NAGA CITY- Nagpapadagos ngonyan an ginigibong paghahanap kan mga otoridad sa duwang menor de edad na kabale sa mga 12 mga pasahero na lunad kan naglubog na baroto sa Lake Buhi, Buhi, Camarines Sur.
Sa entrevista kan Bombo Radyo Naga ki SPO2 Emma Buen, imbestigador sa nasambitang insidente, sinaysay kaining hasta sa ngonyan, dae pa nanggad nahahanap an 12-anyos asin 6-anyos na mga biktima na napasuway sa mga pag-iriba kaini makalihis na mahulog sa tubig.
Sigon ki Buen, naghidali suboot na makapuli an nasambitang pamilya sa saindang lugar huli ta kabale sa sarong kompetisyon sa saindang fiesta an duwang nawawarang mga aki.
Hale sa sarong bilar an mga biktima sa Barangay Ipil asin papuli na kuta na ini kan biglang malaugan nin tubig an baroto sa tahaw kan Lake Buhi na nagin dalan para maglubog ini.
Tulos man na narescue an pito sa mga ini mantang binawian man nin buhay sinda Soledad Siocson, 58-anyos, Liza Siocson, 48-anyos asin an 3-anyos na taong gulang na aki.
