NAGA CITY– Bako soboot big deal para ki Indie Film Director Brillante Mendoza na bako siya an napili na mangenot sa ikatolong State of the Nation Address (SONA) ni Presidente Rodrigo Duterte sa maabot na Hulyo 23.
Sa paghampang ni Mendoza sa mga kagawad kan media sa syudad nin Naga, sinaysay kaini na mayo man siyang problema kung si director Joyce Bernal an nakatuka ngunian na mangenot sa SONA kan presidente.
Sigon ki Mendoza, dae man soboot siya naka-kontrata asin ginibo sana niya an trabaho sa enot na SONA ni Duterte bakong para sana sa sarong tao kundi para sa bilog na nasyon.
Nag-apod man soboot saiya an Presidential Communications Operations Office (PCOO) dapit sa nasambitan ng aktibidad.
Katakod kaini, binati man ni Mendoza si Bernal para sa mga plano kaini sa dakulang aktibidad para sa presidente.
Napag-araman na mismong si Presidente Rodrigo Duterte mismo an nagpili si Bernal na mangenot sa saiyang SONA ngunian na bulan.
