NAGA CITY– Nagpapadagos pa ngunyan an duwang mga menor de edad makalihis na mairido kan madatogan kan bakal na kinakabitan kan swing na saindang sinasangkayan na nangyari sa Barangay Cararayan sa syudad nin Naga.
Sa nakuang impormasyon kan Bombo Radyo Naga, napag-araman na nagpaparahay pa an duwang 7-anyos na mga aki makalihis na matamaan kan nagbagsak na bakal kun saen nakakabit an naraot na swing.
Apwera sa duwang 7-anyos na nairido, binawian nin buhay sa pangyayari an 3-anyos na si Carlo Cardinas makaihis na tamaan kan batbat na nagin kawsa kan traumatic injury sa saiyang payo.
Napag-araman na dae na suboot kinaya kan swing an gabat mantang nakasangkay igdi an duwang 7-anyos na aki kaiba si Ricky Olaso, 37-anyos kaya dagos nang nagaba an bakal na pigkakabitan kaini.
Sa ngunyan nagpapadagos pa an ginigibong imbestigasyon kan mga otoridad dapit sa pangyayari.
