Gold panner sa CamNorte, gadan sa pambabadil

NAGA CITY– Dakulang orolay ngunyan an pambabadil-gadan sa sarong minero sa Barangay Malaya, Labo, Camarines Norte.

Binisto an biktima na si Edwin Pustigo.

Sa nakuang impormasyon kan Bombo Radyo Naga, napag-araman na mantang lunad nin sarong motorsiklo an biktima kaiba an sarong Jericho Castro kan biglang pinara kan duwang dae pa nabibistong mga supek.

Pinadapa suboot kan mga ini si Castro bago pagbabadilon si Pustigo na nagin kawsa kan tolos kaining pagkagadan.

Sa ngunyan, nagpapadagos pa an imbestigasyon kan mga otoridad dapit sa nasambitan nang insidente mantang pighahanap pa an mga taong responsable sa krimen.