Minero, irido makalihis pagtatagaon sa Quezon

NAGA CITY– Irido an sarong minero makalihis na magsapo nin saksak sa manlaen laeng parte kan saiyang lawas sa Barangay Lilukin Buenavista, Quezon.

Binisto an biktima na si Nilo Ocampo, 46-anyos.

Sa nagunong impormasyon kan Bombo Radyo Naga, napag-araman na mantang nagtuturog si Ocampo sa saindang harong kan biglang maglaog digdi an suspek na si Wilson Constantino.

Armado nin sundang an suspek asin mayong herak na pinagtataga an nagtuturog na biktima antes na dagos na nagdulag dara an patarom na ginamit sa krimen.

Tulos man na pigdalagan sa ospital an biktima na hasta sa ngonyan nagpaparahay pa.

Mientrastanto, nagpapadagos man an imbestigasyon kan mga otoridad manungod sa nasambitang pangyayari.