NAGA CITY- Naghaloy nin haros 20 minuto an nairehistrong bakbakan sa pag-ultanan kan Philippine National Police (PNP) asin pigtutubudang mga miyembros kan notoryos na Concepcion Criminal Group sa Barangay Del Rosario, Bato, Camarines Sur.
Sa nagunong impormasyon kan Bombo Radyo Naga, napag-araman na nagkaengkwentro an mga kabuhan kan Camarines Sur Provincial Mobile Force Company, Bato PNP asin PNP Regional Intelligence Unit asin an pigkakarkulong sampulong mga miyembros kan Concepcion Organized Crime Group sa nasambitang lugar.
Mayo man suboot nairehistrong nairido sa lado kan gobyerno mantang inaaram pa kun igwa nin casualty sa mga kalaban.
Narekober sa pinangyarihan kan bakbakan an tolong handgun, sarong M4 Colt rifle, tolong pidaso nin loaded magazines para sa M16, caliber 9MM asin caliber 45.
Sa ngonyan, nagpapadagos pa an ginigibong operasyon kan PNP sa lugar siring man sa pagtaraid na banwaan para madakop an nagdurulag na mga miyembros kan nasambitang nasabing Criminal Group.
