NAGA CITY-Pighayag ni Senador Riza Hontiveros an pagkontra kaini sa re-enactment kan 2019 national budget.
Sa entrevista kan Bombo Radyo Naga ki Hontiveros, sinaysay kaini na habo na magin pork barrel fund ni Presidente Rodrigo Duterte an nasambitan nang budget.
Sigun ki Hontiveros, habo na niyang maotro an apat na beses na pag-reenact kan budget na nangyari kan termino ni dating Presidente Gloria Macapagal Arroyo na nagpuli sa salang pag-gamit nin pondo kan gobyerno.
Dugang pa ni Hontiveros, pwede man na magamit sa ibang bagay an pondo orog na harani na an 2019 mid-term election.
Katakod kaini, sigun ki Hontiveros, tanganing mas maadalan pa an importanteng orolay ipapadagos an pagdangog dapit sa proposed budget para sa manalaen-laen na departamento.
