Senior High student sa CamSur, arestado makalihis mahiling kan 2 pulis an nahulog na droga mantang yaon sa CR kan mall
NAGA CITY- Arestado an sarong Senior High School student makalihis na makuanan nin pigtutubudang iligal na droga mantang yaon sa laog nin sarong mall sa Barangay San Francisco, Iriga City, Camarines Sur.
Sa nakuang impormasyon kan Bombo Radyo Naga, napag-araman na yaon sa laog kan CR kan nasambitang mall an mga pulis na sinda PO3 Giovanni Bolina asin PO1 Ryan Ferrer na parehong naka-assign sa traffic division kan PNP Iriga City kan mahiling kan mga ining nahulog an duwang sachet na naglalaog nin pigtutubudang alang na dahon nin marijuana hale sa bulsa kan pantalon kan 18-anyos na estudyante.
Tulos man na pig-arestar kan mga pulis an nasambitang estudyante asin dinara sa hepatura kan PNP Iriga City.
Nahahampang ngonyan sa kasong pagbalgar sa RA 9165 o Comprehensive Dangerous Drugs Act of 2002 an nasambitang estudyante.
