NAGA CITY- Nagpaparahay pa ngonyan sa ospital an sarong 7-anyos na aking lalaki makalihis na aksidenteng mabangga kan kotseng minamaneho kan sarong Barangay Kapitan sa Libmanan, Camarines Sur.
Sa nagunong impormasyon kan Bombo Radyo Naga, napag-araman na binabagtas kan kotse na minamaneho ni Kapitan Emilio Cos, 62-anyos, Kapitan kan Barangay Danawan, an kalabaan kan tinampo sa Barangay Bahay kan aksidente kaining nabangga an 7-anyos na grade 2 student.
Basado sa inisyal na imbestigasyon kan PNP Libmanan, nagbabalyo sana an menor de edad sa tinampo kan nabangga ini kan kotse kan nasambitang opisyal mantang pasiring ini sa Barangay Poblacion.
Tulos man na pigdalagan sa ospital an biktima para maipabulong an pigsapong menor na lugad.
Sa ngonyan, nagpapadagos pa an imbestigasyon kan mga otoridad katakod kan insidente.
