NAGA CITY– Nanindugan si House Majority Leader Rolando “Nonoy” Andaya Jr. na pigrarayo sana ninda Presidential Spokeman Salvador Panelo an totoong isyu sa nasyon kung kaya napapaduman sa manlaen laen na urulay.
Ini enkoneksyon sa pagtuyaw ni Panelo ki Andaya na garo kinulang soboot ini sa “common sense” huli sa mga akusasyon kontra ki Budget Sec. Benjamin Diokno.
Sigon ki Andaya, dawa igwa nin re-enacted budget alagad dakula man giraray an ini na kayang sakupon an ikaapat na parte kan paglangkaw kan suweldo kan mga empleyado kan gobyerno katakod kan Salary Standardization Law.
Dugang pa kan kongresista kung sa paghuna soboot ninda pang elementary sana an nasambitan ng isyu, pang kinder man soboot an lebel kan common sense na pigagamit niya sa ngunian.
Mientrastanto, sigon ki Andaya, an bilyon-bilyong pondo na pigbulos sa mga flood control projects sa Sorsogon asin iba pang mga probinsya an totoong isyu ngunian sa nasyon.
