Piglinaw ni Executive Secretary Lucas Bersamin na dae pig-uulangan ni Presidente Ferdinand Marcos Jr. an impeachment complaint kontra ki Vice President Sara Duterte, taliwas sa nagin pahayag kan Makabayan bloc na nakikiaram an Presidente sa pagprobar na pagpapasikad sa puwesto ki Duterte.
Segun ki Bersamin, an sulamenteng pigsaysay sana man ni Presidente Marcos, an saiyang opinyon na pag-kasayang nin panahon an impeachment complaint laban ki Duterte.
Karapatan man soboot kan mga kongresista na iindorso sa plenaryo an impeachment complaint. Dae man soboot pwedeng diktahan an hababang kapulungan kan kongreso huli sa co-equal branch of government ini, kundi pigsasabi sana kan Presidente digde an saiyang posisyon.
Tulong impeachment complaint an nakasunad ngunyan sa Kamara laban ki Duterte huli sa pagbalgar sa Konstitusyon, betrayal of public trust, plunder asin malversation, bribery, graft asin corruption, asin iba pang high crimes.
