Aram baya nindo mga ka-bombo, si Mzee Ernesto Muinuchi Kapinga na gikan sa sadit na village kan Tanzania an maikokonsederar na igwang espesyal na pamilya.
Si Muinuchi an kasal sa 16 na babae, igwang labi 100 na aki asin 144 na maku-apo.
Sa presenteng panahon kun an iba an nasasakitan sa ideya na paglaog sa pagpapamilya o kaya an pagkakaigwa nin aki an maikokonsederar ng nakaka-pressure alagad iba an punto de vista ni Muinuchi.
Susog sa report, pig-alay kan nasambitan ng lalaki an saiyang buhay sa pagpapahewas kan saiyang pamilya sa abot kan saiyang makakaya.
An sadit na village na kinamumugtakan ni Muinuchi an nagpapahiling na igwang harong na kanya-kanya an 16 na babaeng pinakasalan kaini.
An bilog na pamilya an nagtatabang sa mga gibuhon sa harong kun kaya mas nagigin maogma maski pa sararo sa nasambitan ng lugar.
Kun para sa iba dae naiintidihan soboot kun tano dapat na iheras sa iba an saindang mga agom alagad an mga pinakasalan ni Muinuchi nagsasabi na marhay an reputasyon kan lalaki asin marespeto ini.
Susog pa sa report, pitong magturugang an nagdesisyon na pakasalan si Muinuchi asin magin agom kaini.
Para sa sainda mayo soboot maraot digde orog na ta naitatao kan lalaki an marhay na pagbuhay sa lambang saro asin sa saindang pamilya kun kaya mayong pagseselos na nangyayari.
Sa ngunyan padagos an paglalapigot soboot ni Muinuchi tanganing buhayon an saiyang dakulang pamilya maski sa paagi pa ini kan pagtatanom nin mga rootcrops o pag-aataman nin mga hayop.
