Nagtitinir na nasa stable condition alagad an clinical picture ni Pope Francis an nagtitinir na komplikado sigun sa Vatican.
Katakod kaini, an 88-anyos na Santo Papa, nagpaluwas nin pahayag kun saen nagpasalamat ini sa gabos na nagpa-abot kan saindang suporta.
An pamayo kan Simbahang Katoliko an pigdara sa Rome’s Gemelli hospital kan February 14 huli sa bronchitis na nagdeveloped man sa pneumonia sa saiyang parehas na baga.
Makalihis na mahilingan nin kadikit na pagmarhay kan kondisyon an Argentine Pope nagsapo nin dipisil sa paghangos na nagkawsa nin pagkahadit sa bilog na kinaban.
Sa presente, sigun pa sa Vatican, mayo na soboot kalintura an Santo Papa asin nagpartisipar na sa misa.
Sa nakalihis man na 48 oras mayo na soboot malala pang nangyari alagad padagos man an saindang pagbabantay sa kamugtakan kaini.
