Pinag-aadalan kan National Food Authority an posibilidad kan pag-renta sa mga private warehouse o paramientras na pagsubli sa mga storage facilities kan mga lokal na gobyerno asin mga kooperatiba.
Ini an komo pagpreparar sa nararaning panahon kan anihan ngunyan na summer. Sigun ki NFA Administrator Larry Lacson, presenteng igwang piggigiling na stock kaini, gamit an recovery rate na 63%.
Kun makukumpleto soboot ini, magigibo nang ma-decongest an mga bodega asin mahewqs nin hasta 35% an storage space kan mga bodega.
Sa presente, igwa na soboot mga LGU asin mga kooperatiba na nagpahayag na nin pagpreparar na ipasubli an saindang mga bodega.
Magin an mga local office kaini an nagpahayag man nin pagpreparar na makipag-koordinar sa mga local cooperative asin mga LGU tanganing paramientras magamit an saindang mga warehouse.
Rason ni Lacson, padagos an paghahanap ninda nin paagi tanganing ma-akomodar an kadakol na bulto kan bagas gikan sa mga paraoma asin masimbagan an mas halangkaw na buffer stock kaini.
