Excited na an South Korean star Choi Minho kan K-pop boy group na SHINee na mahiling an saiyang Filipino fans para sa saiyang isasagibong enot na solo concert sa Marso 16, 2025 sa New Frontier Theater sa Quezon City.
Sa pigpaluwas na video, pigbati ni Minho an saiyang mga fans asin pigheras an saiyang excitement para sa saiyang papaabuton na show.
Sa nasambitan pa na video, pigsierto man kan Korean Star na labi an saiyang ginigibong pag-ensanyo asin igwa soboot pigpreparar na manlaen-laen na set kan performances tanganing magdara nin kaogmahan sa gabos na maatender kan konsyerto.
Marurumduman, apwera sa pagigin miyembro kan Shinee ini man an pig-establisar an sadiri komo sarong aktor.
Opisyal na nag-debut si Minho komo solo artist kan 2022 sa paagi kan saiyang mini-album na Chase asin nagpaluwas man kan saiyang enot na full-length album na Call Back kan 2024.
