Pinuri ni Speaker Ferdinand Martin G. Romualdez an padagos na pagbana kan inflation rate kan nasyon, na soboot patunay na epektibo an lakdang na piggibo kan economic team ni Presidente Ferdinand “Bongbong” R. Marcos Jr. tanganing mapababa an presyo kan barakalon asin pagprotehir sa kapangyarihang magbakal kan mga Pilipino.
Pig-repot kan Philippine Statistics Authority (PSA) na nagluya an inflation rate sa 2.1% kan nakalihis na Pebrero gikan sa 2.9% kan nakalihis na Enero, na nagpapahiling kan padagos na positibong direksiyon kan ekonomiya sa nasyon.
Pigtawan-duon man ni Speaker Romualdez na nagtitinir na nakatutok an administrasyon sa seguridad sa pagkakan asin katatagan kan ekonomiya, kun saen aktibong nagsusuporta an mababang kapulungan sa paagi kan mga ley na nagpapagian sa buhay kan mga Pilipino.
Binanggit ni Speaker Romualdez an determinadong lakdang kan gobyerno, orog na sa pagsugpo sa halangkaw na presyo kan bagas, smuggling, asin hoarding, na soboot nagin susi sa pagbaba kan inflation.
Dakula man an papel kan Quinta Committee (Quinta Comm) sa pag-iimbestugar kan mga iregularidad asin pagsierti na nagtitinir na abot-kaya an mga importanteng produkto para sa publiko.
Soboot, an padagos na pagbaba kan inflation an patunay kan paglangkaw kan matatag na pamamayo asin epektibong mga patakarang pang-ekonomiya na nagpapamarhay sa buhay kan mga Pilipino.
Pigsierti man kaini sa publiko na padagos na mahingowa an gobyerno tanganing mamantinir an trend na ini, na magdadara nin mas dakulang ginhawa sa mga pamilyang Pilipino.
Liwat na pighurot ni Speaker Romualdez an promesa kan administrasyon sa panghaluyan na katagagan kan ekonomiya, na igwang mahigot na koordinasyon sa tahaw kan lehislatibo asin ehekutibo tanganing pakusogon pa an nasyon.
Pig-enkaminar man kaini an gabos na sektor na suportaran an mga inisyatiba kan gobyerno na obhetong mapakusoy an seguridad sa pagkakan, mamantinir an katatagan kan enerhiya, asin magkriar nin mas kadakol na trabaho.
