Pigbasol kan Department of Information and Communications Technology an dae pa dagusang pagbuwag o pagretiro kan 2G network na saro sa mga rason kan padagos na pagkuriyat kan ‘text scams’ sa nasyon.
Ini soboot kaya an piggagamit kan pirang mga Philippine Offshore Gaming Operators o POGO sa saindang mga International Mobile Subscriber Identity Device o mas bistado komo IMSI catchers.
Sigun mismo ki Undersecretary Jeffrey Ian Dy kan nasambitan ng ahensiya, an siring na kagamitan an naggagana sana sa mga network na mas hababa sa 3G.
Kaya sigun sa saiya, nararapat sana soboot na magkaigwa nin ‘timeline’ kun nuarin pupuonang halion an 2G asin mas hababa pang mobile technology sa Pilipinas.
Alagad hurot man kan nasambitan ng undersecretary, maiintindihan man soboot ninda an posibleng epeko kaini sa ekonomiya enkaso man na dagusan an paghali sa 2G Network.
Mientrastanto, pigbubusol man kan nasambitan ng ahensiya an pagkakaigwa na nin mga diskusyon dapit sa ulayan na ini.
Huli soboot, kaipuhan nang makasunod kan Pilipinas sa ibang mga kataid na nasyon na nagpuon nang pag-ulayan an napipintong pagpaparetiro sa nasambitan ng mobile technology network.
