Nangapodan si Senate President Francis “Chiz” Escudero nin mahewasang financial asin social audit sa mga internet gambling platforms sa tahaw kan talamak na online gaming kun saen pwedeng magtaya sa paagi kan mobile games.
Ini an pigtawan-duon ni Escudero kun saen nangangahulugan soboot na igwang casino sa bulsa kan lambang Pilipino.
Sinaysay kan Senador, marekas an pag-access sa pagtaya sa mobile phone app kaya dapat magsagibo an gobyerno nin “social cost-state benefit” analysis sa mga aktibidad na nakapalaog sa Philippine Inland Gaming Operators (PIGO).
Soboot, kun papano tatawan nin atensiyon sa pag-assess sa Philippine Offshore Gaming Operators (POGO) an dapat siring an gibuhon sa POGO.
Dugang pa ni Escudero, nakaresebir an saiyang opisina nin mga report gikan sa mga nasa laog kan industriya na an kabilogang online na taya an pwedeng mag-abot sa tahaw kan P600 bilyon asin P1 trilyon sa sarong taon-labi doble sa naireport na kabilogang taunang benta kan sarong sikat na fast-food chain sa nasyon.
Pigpunto ni Escudero, na mas dakula ini nin P150 billion sa value kan ani kan paroy sa Pilipinas sa laog kan sarong taon.
Kun pinag-iriba an kantidad kan gabos kan orig, manok, baka, kambing na na-produce sa nasyon, mas dakula pa man soboot an nataya sa online gaming.
Naghahadit an lehislador na nagluluwas na addictive an mga apps na ini na pati an kwarta na pampakakan kan pamilya o pang gatas kan aki, pigtataya na sana sa online gaming.
Marurumduman, pigsuhestiyon ni Escudero na kun igwang masunod na lakdang na dapat gibuhon an gobyerno, surion asin pag-adalan an epekto kan PIGO sa mga Pilipino.
