Opisyal nang pig-anunsyar kan mga organizers an petsa kan Miss Universe Philippines (MUPH) 2025 coronation night.
An nasambitan ng aktibidad an mangyayari alas 6 nin bangi sa Mayo 2 sa sarong Mall sa Pasay City.
Ini an basado man sa social media post kan Miss Universe Philippines kan nakalihis na Huwebes, Marso 13, 2025.
Marurumduman, pig-apod kan mga Pageant fans an kompetisyon ngunyan na taon komo “puksaan” huli ta pano-pano ini kan mga makukusog na contenders.
Apwera sa mga baguhan na mahihilingan man nin potensiyal, an presenteng linyada kan mga kandidata an pig-aapod na seasoned beauty queens siring ninda Reina Hispanoamericana 2017 Winwyn Marquez, Miss Earth Air 2023 Yllana Aduana, Miss International 2018 first runner-up Athisa Manalo, asin ni former Binibining Pilipinas Global Chelsea Fernandez.
An MUPH 2025 an enot man na pagkakataon na mangyayari sa irarom kan bagong namamayo na National Director na si Ariella Arida na iyo man an nagribay ki Shamcey Supsup.
Marurumduman an duwa an nagtapos nin third runner-up kan 2013 asin 2011 editions kan Miss Universe.
