Mayo soboot planong magdeklarar nin martial law si Presidente Ferdinand “Bongbong” Marcos Jr. sa tahaw na man kan mga pigkundusir na pro-Duterte rally.
Ini an pagtubod ni House Majority Floorleader asin Iloilo 1st District Rep. Janette Garin na pigtawan-duon na pawang espekulasyon sana an mga nagkukuriyat na bareta na madeklarar nin martial law si PBBM tanganing pugolan an mga protesta sa pagpapa-arestar kan International Criminal Court (ICC) ki dating Presidente Rodrigo Duterte.
Pigsierto man ni Garin sa publiko na padagos an eleksiyon sa Mayo 12 asin sa katunayan soboot abala si Presidente Marcos sa pangangampanya sa senatorial candidates kan Alyansa sa bagong Pilipinas pati na man an obheto kaining mapababa an presyo kan mga barakalon.
Nag-abiso man si Garin na an mga pagpapakuriyat kan fake news an pwedeng magresulta sa kadahasan kasunod kan sinaysay ni dating Executive Secretary Salvador Medialdea na dae pinangatamanan an salud ni Duterte.
