Ipinahiling kan Choco Mucho an matibay na determinasyon asin pusong palaban kan resbakan an PLDT via five-set win sa Game One kan saindang 2024-25 Premier Volleyball League (PVL) All-Filipino Conference quarterfinals series kan Sabado.
Gikan sa delikadong 0-2 pagkakabaon, nagbuhat an Flying Titans tanganing daugon an High Speed Hitters, sa skor na 20-25, 19-25, 25-15, 25-20, 18-16, asin agawon an 1-0 lead sa saindang best-of-three showdown.
Piglipat kan tropa ni coach Dante Alinsunurin an saindang sadili sa sweep papalaog sa semifinals.
Apwera ki Sisi Rondina na naghataw nin 31 points apwera sa 15 excellent digs asin 12 receptions, naghugot man an Choco Mucho ki setter Mars Alba nin 16 excellent sets.
Nagdugang si ‘magic bunot’ Royse Tubino nin 20 markers na an kadaklang an pigrapas kaini sa third set tanganing makadukot sa PLDT.
Nasayang an 25 points ni Fil-Canadian Savi Davison para sa High Speed Hitters na kinua an 5-3 abante sa fifth frame antes nawalat kan Flying Titans sa 10-13.
Naitabla ni Davison, an top scorer kan torneo, an PLDT sa 14-14 hasta hatawin ni Rondina an winning hit para sa Choco Mucho.
Pigpipirit kan Flying Titans na kumpletuhon an two-game sweep sa High Speed Hitters sa saindang paghahampangan sa Game Two sa Huwebes.
