Nasamsam kan mga personahes kan Bureau of Customs (BOC) an soboot mga pekeng produkto sa Malabon City na nagkakantidad nin P1.2 billion.
Kaibahan man sa mga nadiskubre kan mga otoridad an mga disposable vapes na mayo soboot tax stamps na dae otorisadong ipabakal.
An nasambitan ng operasyon an pinangenotan kan Customs Intelligence and Investigation Service-Manila International Container Port (CIIS-MICP), na enot nang nagtao nin mga Letters of Authority sa mga bodega sa Malabon kan nakalihis na Marso 11, kun kaya nahiling an mga iligal na produkto.
Tanganing masierto na matinir na salbado an mga nakumpiskar na mga produkto, sinelyuhan asin kinandado ini kan mga otoridad para sa isasagibong imbentaryo.
Mientrastanto, ma-isyu man nin Warrant of Seizure and Detention an BOC para sa mga nakumpiskar na produkto huli sa pagbalgar sa Customs Modernization and Tariff Act katakod kan Republic Act No. 8293, na bistado maj komo Intellectual Property Code of the Philippines.
