Pigluwas kan Vatican an enot na ladawan ni Pope Francis mantang ini nasa ospital pa man nin labi sarong bulan na.
Sa nasambitan ng ladawan, mahihiling na nagpapangadyi an 88-anyos na Santo Papa sa chapel kan Gemelli Hospital sa Rome.
Mahihiling man na nakasulot nin stole o an bado kan mga padi tuyong igwang misa.
Dugang pa kan Vatican na ini an enot na pagkakataon na nagin concelebrator o namayo sa misa sa chapel an Santo Papa.
Nagpapadagos an pagbulong asin therapies kan Santo Papa kun saen dae pa ninda aram kun nuarin sinda tutugotan kan mga dokyor na makabweltada sa Vatican.
Marurumdoman na an 88-anyos na Santo Papa an idinalagan sa ospital kan nakalihis na Pebrero 14 huli sa pneumonia.
Ini na an pigkokonsiderar na pinakahaloy kaining pagtinir sa ospital puom kan magtukaw sa puwesto 12-taon na an nakakalihis.
Sa ipinadarang mensahe kaini sa semanahan na Angelus Prayer na pinasalamatan kaini an mga nagpapaabot nin pagpangadyi para sa tulos kaining pagrahay.
Igwang nagkapirang mga kajovenan an nagtipon sa hampangan kan ospital asin nagpangadyi nin Angelus kun saen pira sa sainda an igwang darang burak asin lobo.
Binawasan man kan doctor an pagbubugtak nin non-invasive mechanical ventilation huli ta nagmaray na an paghangos kaini.
Alagad maski nasa ospital, nagpahiling nin senyales an Santo Papa sa pagtitinir sa puwesto kun saen inaprobaran kaini an tolong reporma sa Simbahang Katolika.
