Pig-anunsyar ni Filipino-American actress na si Vanessa Hudgens an saiyang pagbabados para sa saindang ikaduwang aki kan agom na si Cole Tucker, sarong professional baseball player.
Sa Instagram post kaini, pigheras kan aktres an ladawan kan saiyang baby bump kaibahan si Cole na igwang caption na Round two.
Katakod digde, tolos man na nagpaabot kan saindang pagbati an mga fans kan aktres.
Marurumduman, kan nakalihis na July 2024 ipinangaki ni Vanessa an sarong healty baby boy.
Sa nakalihis man na entrevista sa High School Musical star pigheras kaini an saiyag kamawotan na magin marhay na Ina para sa saiyang mga aki siringman magin marhay na agom para sa ki Cole.
Mientrastanto, ikinasal si Vanessa asin Cole kan nakalihis na December 2023 sa Tulum, Mexico.
Sinda an nagkabistuhan kan 2020 sa Zoom meditation session asin nagin mag-ilusyon sa laog kan tolong taon antes na mag proposed si Cole sa hampang kan Eiffel Tower sa Paris.
