Aram baya nindo mga ka-bombo, an El Marco, an sadit asin pigkakalawang nang tulay na nagkokonektar sa Spanish village kan El Marco sa Portuguese village kan Varzea Grande an pigmirar komo world’s smallest international bridge.
An tulay na ini an igwang labang the 19ft o 6 meters asin igwang lakbang na 4.7ft o 1.45 meters.
Sa mga nag-aagi sa nasambitan ng tulay, dae lang sinda nagbabalyo gikan sa sarong nasyon pasiring sa saro kundi nagbabago man an saindang time zones.
An Spain nago-operates sa paagi kan Central European Time mantang an Portugal nagsusunod man sa Greenwich Mean Time, kun kaya pig-aapod man ini kan iba na pinakamarekas na paagi sa time-traveling.
Susog sa report, an lugar an dating inaagihan kan mga smugglers gikan Spain pasiring sa Portugal asin ini an pigkonstruher kan taong 2008 gamit an community funds.
Huli sa sadit na sukol kaini, pigtutugutan sana na mag-agi sa El Marco an mga tawo, two-wheel vehicles siring kan bicycles, scooters motorcycles asin mga residentes sa lugar.
