Nangapodan an mga Human Rights advocates sa International Criminal Court (ICC) na dae palibrehon si dating Presidente Rodrigo Duterte, kasunod kan naglalalang online harassment asin pananakot kontra soboot sa mga pamilya kan mga extrajudicial killings (EJK) victims.
Ini an pangapodan kan “Rise Up for Life and for Rights”, sarong grupong nagbubusol kan hustisya para sa mga biktima kan war on drugs, asin an hiro na piggigibo soboot kan mga taga suporta kan dating Presidente an ‘seryosong huma’ soboot.
Ikinahadit man kan grupo na kun papalibrehon si Duterte, lalo sana soboot na makusog an boot kan saiyang mga taga suporta tanganing maghasik nin kariribokan asin peligro sa mga biktima, testigo, asin magin sa mga opisyal kan ICC na igwang koneksiyon sa kaso.
Ipinaliwanag kan human rights lawyer asin registered ICC Assistant to Counsel Kristina Conti an posibleng legal na epekto kan “pambubully” soboot kan mga taga suporta ni Duterte sa saiyang posibleng apelar para sa kaso kan dating Presidente.
Pigtawan-duon kaini na sigun sa Article 70 kan Rome Statue, pwedeng maghampang sa mga dugang na kaso an siisay man na maggibo kan mga pagbalgar sa pangangasiwa kan hustisya kaibahan an ‘pananakot’, ‘pagbabanta’, o ‘pagbabalos’ kontra sa mga saksi asin opisyal kan korte.
Sa sarong social media post, pigtawan-duon ni Conti na aram kan ICC an mga an mga peligro na kinakampang kan mga saksi, biktima, asin magin an sadiri kaining mga opisyal.
Sigun pa ki Conti, anuman na panliligalig o panggigipit, orog na kun igwang koneksiyon sa dating Presidente, pwedeng pakusugon an mga kaso kaini na posibleng maghantong pa soboot sa mga dugang na kaso.
