Nagpatanid an Department of Education (DepEd) an mga public officials na likayan an magin partisan sa pulitika.
Pinagbabawalan man ninda an mga ini na mag-imbitar nin mga pulitiko tuyong graduation asin moving up ceremonies.
Nakasaysay sa Memorandum 27 na pirmado ni DepEd Secretary Sonny Angara, na an mga opisyal kan DepEd, teaching asin non-teaching personnel an pinagbabawalan na makisawsaw sa mga anumang election activities o political activity para sa nagdadangadang na midterm elections sa Mayo.
An sisay soboot na magbalgar an mahampang sa kapadusahan.
Ipinagiromdom ninda na an mga gastuson sa mga graduation asin moving up rites an dapat singilon sa operating expenses kan eskwelahan asin dae ini pigkokolektar sa mga estudyante.
