Pigsierto ni Speaker Ferdinand Martin Romualdez na padagos na makikipagtabangan an Kamara de Representantes sa pribadong sektor tangani magin panghaluyan asin inklusibo an paglago kan ekonomiya kan nasyon.
Piggibo ni Speaker Romualdez an pahayag kan mag atendir ini sa kinundisir na 34th biennial convention dinner kan Federation of Filipino-Chinese Chambers of Commerce and Industry, Inc. (FFCCCII) kan nakalihis na aldaw nin Biyernes na banggi, na inatendiran man kan nasa 800 delegado sa pangengenot ni Federation President Cecilio Pedro.
Pig-omaw ni Speaker Romualdez an pederasyon sa mga nagin ambag kaini sa pambansang kaunlaran asin pagpapatatag kan nasyon sa paagi kan pagnenegosyo, pakikisumaro sa mga gibuhongg sibiko, asin man pagkakasararong pangkultura.
Pigtawan duon ni Speaker na sa irarom kan pamamayo ni Presidente Ferdinand Marcos Jr. ay nakua kan nasyon an matibay na pag-uswag sa ekonomiya sa ibong man kan mga pigkakaatubang kaining pangkinaban na huma.
Inihayag ni Speaker Romualdez na an dakulang parte kan pag-uswag iyo an bunga kan masigasig asin bukas na pakikipag-koordinar na gobyerno sa pribadong sektor, orog na sa mga organisasyon siring na sana kan FFCCCII.
Ipinaaram man ni Speaker Romualdez sa mga negosyanteng Filipino-Chinese na padagos na ibubusol kan Kamara an mga reporma na mapakusog sa mga negosyante, dakula man o saradit.
