Pig anunsyar kan Metro Rail Transit Line 3 na ipapatinir muna kan saindang pamayuhan an saindang extended operating hours kada weekdays hasta sa dae sigurado na panahon.
Sigun sa pamayuhan kan MRT, matrayumpo na naproseso an two-week pilot test kan extended hours kan saindang mga operasyon kan nakalihis na Marso 24 kun saen napagsirbihan ninda an kabilogang numero kan 61,000 na mga pasahero.
Gikan sa numero na ini, 29,530 an naging benepisyaryo kan bagong polisiya na ini magpuon kan nakalihis na Marso 24 hasta sa petsa 28 mantang 31,474 man an nairehitro kan Marso 31 hasta Abril 4.
Marurumduman man na nag-extender an operasyon kan mga tren nin sarong oras kada weekdays kun saen magpuon sa oras kan last trip na 9:30pm ay nagin 10:30pm na an huring biyahe gikan sa North Avenue station mantang gikan man sa 10:09pm ay nagin 11:09 pm na an huring biyahe gikan sa Taft Avenue Station.
Mientrastanto, kasunod kaini, pigsierto kan MRT na madugang man nin tren an saindang opisina orog na kada rush hour para sa maginahwang transportasyon kan mga mananakay orog na tangani malikayan an labing laba kan pila.
