Ex-women’s national basketball player na si Vicki Brick nagtalikod na sa kinaban sa edad na 43

Binawian na nin buhay an dating women’s national basketball player kan nasyon na si Vicki Brick sa edad na 43.

Kinumpirmar kan pamilya kaini na dae na kaini nakayanan an pakikipaglaban sa helang na ovarian cancer.

An Filipino-American guard an nagkawat sa Maryland sa US NCAA.

Nagkawat ini sa Philipipine Team o mas bistado ngunyan komo Gilas Pilipinas Women sa irarom kaidto ni coach Fritz Gaston.

Kaiba ini kan magtrayumpo an nasyon nin bronze medal kan nakalihis na 2007 Southeast Asian Games na pigkundusir sa Nakhon Ratchasima.

Makalihis an pagkakawat ay pinamayuhan kaini an negosyo kan pamilya sa Baltimore an Brick Bodies Fitness.