Surpresang pigbisita ni Prince Harry an mga biktima kan giyera sa Ukraine. Sigun sa tagapagtaram kaini na an pagbisita an parte kan saiyang pakikipagtrabaho sa mga iridong war veterans.
Nagpasiring ini sa Superhumans Center, na sarong orthopedic clinic sa Lviv kun saen duman pigdadara an mga lugadang suldados asin sibilyan.
Pighihiling kaini an mga makabagong teknolohiya na nagtatao nin prosthetics, reconstructive surgery asin man psychological na tabang kun saen ini ay libre.
An Duke of Sussex an nagsirbi nin 10 taon sa British Army kun saen bistado ini sa pagtabang sa mga iridong sundalo. Itinatag kaini an Invictus Games kan nakalihis na taong 2014 na siring man kan Paralympics alagad an mga kabali iyo an mga iridong sundalo.
Dae na bago an 40-anyos na si Harry sa giyera huli sa nagsirbi ini nin duwang taon sa Afghanistan kun saen naglunad pa ini nin Apache helicopter komo copilot gunner.
Ini man an panduwang miyembro kan Royal Family na nagbisita sa Ukraine na an enot iyo an sa tiyahon kaini na si Sophie an Duchess of Edinburgh kan nakalihis na taon.
