Nagtitinir na naka-deploy an kabilogang 366 pulis sa mga komunidad na nasa palibot kan bulkang Kanlaon.
Sigun ki Philippine National Police (PNP) Spokesperson BGen. Jean Fajardo, dagos-dagos na tututukan kan mga pulis an seguridad sa palibot kan bulkan asin magtabang sa iba pang pangangaipuhan, siring na sana kan pagpapa ibakwar asin pagbabantay sa mga evacuation center.
Hurot ni Fajardo, nakahanda an pambansang pulisya na magdagdag pa nin mga pulis kung kinakaipuhan, mantang nagtitinir man na naka-alerto an local police na nakabase sa Kanlaon area.
Kan nakalihis na Abril-8 kan liwat na magsabog an bulkang Kanlaon na naghaloy nin haros nasa sarong oras asin man nagkawsa nin mahewasang ashfall.
Sa presente, rinibong mga residentes an presenteng yaon sa evacuation center asin man pigtatabangan kan gobyerno sa paagi kan mga serye kan relief operations.
An mga ini ay nagtitinir na sa sa mga evacuation camp magpuon pa kan nakalihis na Disyembre 2024, an huring pagsabog kan Kanlaon, antes man an Abril 8, explosive eruption kan nasambitan ng bulkan.
