NAGA CITY- Mahigot na nakabantay an Camarines Sur Police Provincial Office (CSPPO) katakod naman kan kasiributan ngunyan.
Sa entrevista kan Bombo Radyo Naga ki PCPT. Liza Jane Alteza, spokesperson CSPPO, sinaysay kaini na 24/7 an saindang pigsasagibong check point, bako lang inkoneksyon sa Semana Santa alagad huli naman sa nagdadangadang na midterm election.
Sigun ki Alteza, sa ngunyan mayo man nin nakumpiskar sa Checkpoint nin na anuman na ipinagbabawal na darahon kan mga motorista katakod naman kan pigpapautob na gun ban alagad, igwa man nin nairehistro na nagbayolar digdi huli sa nagkapirang insidente siring na sana kan saindang pigkakasang buy bust operation.
Dugang pa kan opisyal, bako lang sa check point nakatutuk an saindang lado alagad pigbabantayan man ninda an iba pang krimen na maikukurit sa probinsya.
Mientrastanto, aram naman soboot kan mga kapulisan kun ano an saindang obligasyon ngunyan na igwa nin kasiributan kun saen dae sinda pigtutugotan na magleave orog na ta aram kan mga ini na kaipohan na maray kan publiko an saindang serbisyo.
