Pigsuhestyon ni Senador Win Gatchalian an pagdugang sa numero kan mga “guidance designates” sa mga pampublikong eskwelahan tanganing masimbagan an mga insidente kan bullying.
An mga guidance designate an mga paratukdo na pigsugong gampanan an mga tungkulong igwa nin kinaaraman sa pagpapautob nin guidance services.
Pig-enkaminar man kan lehislador an Department of Education (DepEd) na repasuhon an ideal ratio kan mga guidance designates sa mga estudyante.
Sa presente, sarong guidance designate o guidance counselor an itinatalaga kada 500 na estudyante.
Basado sa datos kan DepEd, 10,412 sa 45,326 na mga eskwelahan an mayo nin guidance designate kan School Year 2024-2025.
Dawa naninindogan si Gatchalian na importanteng mawara sa mga paratukdo an mga non-teaching tasks, pigkokonsiderar kaini an dugang na mga guidance designates komo sarong paramientras na solusyon mantang dae pa nasisimbagan an kakulangan kan mga guidance counselors.
