Inusisa ni Senador Francis “Kiko” Pangilinan an Department of Education (DepEd) manungod sa malinaw na plano kaini sa pagpapatupad kan Sagip Saka Act para sa school-based feeding program.
An katuyuhan kaini iyo na seguraduhon na direktang makikinabang an mga paraoma asin parasira sa pagbakal nin pagkakan para sa mga estudyante.
Nangyari an pag-usisa durante kan pagdinig sa panukalang badyet kan DepEd para sa 2027, kun sain nagpahayag nin paghadit si Pangilinan sa pagbaba kan pondo.
An pondo para sa feeding program nagbaba sa P11 billion para sa 2027 hale sa P25 billion ngunyan na 2026.
Iginigiit ni Pangilinan an pangangaipo na lubos na ipatupad an Sagip Saka Act tanganing magkaigwa nin prayoridad an pagbakal sa mga produkto kan lokal na paraoma asin parasira.
An Sagip Saka Act, na siya an panginot na may-akda, nagtutugot sa mga ahensya kan gobyerno na direktang magbakal sa mga akreditadong kooperatiba nin paraoma asin parasira na dai na minaagi sa public bidding.
Hinagad niya sa DepEd na isumite an saindang detalyadong plano para sa ganap na implementasyon, kaiba an mga solusyon sa problema sa suplay.
