Nag abot nin labi sa 11 oras asin 26 na minuto an haloy kan isinagibong prusisyon kan Poong Hesus Nazareno ngunyan na Biyernes Santo.
Pinuonan kan nakalahis na banggi na iluwas an nasambitan ng andas o pagpupuon kan Good Friday Procession nin 11:15 PM, Huwebes Santo hasta 10:45 nin pagkaaga, Abril 18.
Pigkakarkulong nagpakol nin poco mas o menos 532,000 na mga deboto na gikan sa manlaen-laeng lugar kan Pilipinas an nag atendir sa nasambitang pagtiripon.
Sa inihayag na report ni Rev. Fr. Ramon Jade Licuanan, Parish Priest kan Minor Basilika asin Pambansang Dambana kan Poong Hesus Nazareno, mayo man soboot nin nairehistrong insidente katakod kan Peace and Order, Safety asin Security kan prusisyon.
Alagad sa ibong kaini, igwa nin 9 ang dinara sa mga ospital kan Department of Health sa Maynila gikan sa 1,152 nakilahok na nangaipuhan nin atensyong medikal.
Basado sa saindang isinapublikong pahayag, 3 kaini an nasa malalang kamugtakan.
Siringpaman, nagpapasalamat man an pamayuhan kan simbahan kan Quiapo sa manlaen-laen na mga ahensiya kan gobyerno, volunteers, asin mga deboto na nakisumaro asin sa kaiba sa pagpapatinir na gibuhon na banal, pakarhay asin salbado an pagselebrar nin Semana Santa.
