14-anyos na babayi gadan makalihis lapaon nin leon sa Kenya

Gadan an sarong 14-anyos na aking babayi makalihis na lapaon nin leon sa Nairobi, Kenya.

Segun sa Kenya Wildlife Service na bigla na sanang nilapa kan leon an biktima sa residential compound na kataning kan Nairobi National Park.

Nadukayan na sana kan mga rescuers an bangkay kan biktima harani sa Mbagathi River.

Dae man nadakop an leon maski pa naglaag na nin patibong an Kenya Wildlife Service.

Dinugangan man kan mga otoridad an seguridad sa lugar ngani na dae na mautro pa an nasabing insidente.