Aram baya nindo mga ka-bombo, kadakol na mga hair salons sa China an pig-intrudusir an AI-powered shampooing machines na kayang hugasan asin banlawan an buhok kan kliyente sa laog nin 13 minutos.
Sa presente, kadakol nang pagbabago an nagyayari orog na sa lado kan artificial intelligence na ginagamit naman ngunyan sa hair care industry tanganing maparekas an proseso sa mga hair salons.
Susog sa manlaen-laen na report, an AI-powered hair-washing devices an nahiling sa mga hair salons sa manlae-lae man na distrito kan Guangzhou Province sa China kun saen pig-apod pa ini na AI-shampooing craze.
An makabagong ekipahi na ini an naggagamit nin infrared sensors tanganing ma-detect an anit kan kliyente asin mapili an tamang shampoo siringman an method na gagamiton basado sa klase kan buhok kan sarong indibidwal.
Pigsaysay man kan may-sadiri kan sarong salon sa Tianhe District, na an AI-shampooing machines nagfe-feature kan manlaen-laen na built-in washing modes, siringkan speed wash, normal, extra time, o water shower, siringman tolong manlaen-laen na masahe para sa anit kan sarong tawo.
An nasambitan man na machines an igwang pagpipilian na mode para sa mga kliyente na igwang halaba o halipot an buhok. Mientrastanto sa paglunsar kan inobasyon na ini, an presyo an nagpapakol sa 9.9 yuan o $1.35, alagad ini an mas nagdoble sa 19 yuan o $2.60, huli sa popularidad.
Sa ngunyan, sa ibong kan pagiging sikat kan AI-powered shampooing machines, ini an nakaguno nin manlaen-laen na reviews gikan sa mga users, kun saen an iba an nagrereklamo na makulog sa anit an scalp massage mantang an iba an nagsasabi na dae man epektibo an paggamit kan nasambitann ng machines.
