Ibabali na sa pambansang budget sa masunod na taon an pondo para sa P20 rice program kan gobierno.
Sigun ki Palace Press Officer Atty Claire Castro na mawot kan presidente na maibali na sa pambansang budget para sa masunod na taon an P20 rice program.
Obheto kaini an tanganing dae ini pasanon pa kan lokal na gobierno.
Sa ngunyan kaya an national government asin local government units an matarabangan tanganing pasanon o i subsidize an baratong bagas.
An mga LGUs soboot sa Visayas region an enot na naghayag kan kooperasyon asin pakikipagtabangan sa national government tanganing maipautob sa Mayo an P20 rice program kaya digdi piggibo an pilot implementation kaini.
Kun igwa pa soboot ibang LGUs sa ibang rehiyon an mawot na tabangan ngunyan, bukas soboot an gobierno na akuon ini tanganing madara na man sa saindang mga lugar an baratong bagas.
Pigsierto man ni Castro na sa ipapautob na man an P20 kada kilo kan bagas sa bilog na nasyon.
