Naipabakal sa kantidad na $7-milyon o katampad kan haros na P400-M an basketball jersey kan nagtalikod na sa kinaban na si Kobe Bryant.
Sigun sa Sotheby’s Auction sa New York City, na an Los Angeles Lakers jersey an saiyang primerong pigsulot sa pre-season asin regular season.
Nagamit soboot ini sa pitong kawat puon 1996-97 rookie season kaibahan an October 16 pre-season debut asin kan nakalihis na Nobyembre 3 regular season debut kan 1996 siring man sa saiyang NBA media day.
Ini na an pang-apat na pinakamahal na gamit na naisulot kan sarong atleta.
Nangenot digde an jersey kan baseball star Babe Ruth na nabakal sa kantidad na $24-M , jersey na sulot ni Michael Jordan kan taong-1998 NBA finals na nabakal sa kantidad na $10.1 milyon asin an bado ni soccer star Diego Maradona kan taong-1986 World Cup na nabakal sa kantidad na $9.3-M.Sa Bryant collectible, nalampasan kaini an $9.3-M na kantidad na sulot kaini kan taong-2007-08 Most Valuable season jersey.
Marurumdumang binawian nin buhay an five-time NBA Champion sa edad na 41 kan nakalihis na Enero 2020 kan magbagsak an piglunadang helicopter kaibahan an saiyang aki na si Gianna asin pitong iba pa.
