Pig-anunsyar ni Alden Richards an saiyang bagong pangarap na magin piloto asin ipigheras ini sa saiyang instagram account.
Nag-post ini nin mga ladawan gikan sa saiyang aviation training center sa Clark, Pampanga, asin nag-caption nin “Reaching new heights, one flight at a time✈️.”
Sa mga ladawan, mahihiling si Alden na nakatindog sa gilid kan “Ready for Training” sign asin nasa laog kan flight simulator na ipinahiling sa saiyang mga tagahanga an saiyang bagong obheto.
Tulos man na nagtao nin suporta an mga fans kun saen sarong fan an nagsabing, “Hope to fly with you in the near future, Capt. Faulkerson. Blue skies and tailwinds always!”.
Nagkapira sa mga bistadong personalidad na nagin piloto na man iyo sinda Ronnie Liang, Xian Lim, asin Ian Veneracion.
Apwera sa aviation, aktibo man si Alden sa pagdalagan.
Sigun sa sarong nakalihis na interview, an pagdalagan an bako sana para sa saiyang salud kundi para na man sa saiyang mental na salud.
Mientrastanto, piglunsar man ni Alden an sarong fun run event na pig-apod na “LIGHTS, CAMERA, RUN!” tanganing magtao nin suporta sa mga Pilipinong filmmaker.
An fun run an gaganapon sa May 11 sa Mall of Asia asin bukas sa publiko.
