Matiripon an mga cardinal kan Simbahang Katolika sa sarong sikretong conclave puon sa Mayo 7 tanganing pilion an masunod na Santo Papa, sigun sa sarong halangkaw na opisyal kan Vatican ngunyan Lunes, Abril 28.
Napagkasunduan an petsa sa sarong closed-door na pagtitipon kan mga cardinal sa Vatican, na iyong enot na pagtiripon puon kan lubong ni Pope Francis kan Sabado.
Piglaloam an opisyal na anunsyar sa mga masunod na aldaw.
Igwa nin kabilogang 135 cardinal gikan sa manlaen-laen na parte kan kinaban, gabos an nasa irarom kan edad 80—an may derichos na magboto sa conclave tanganing italaga an bagong pinuno kam Simbahang Katolikong may 1.4 bilyong miyembro sa bilog na kinaban.
An huring duwang conclave kan 2005 asin 2013 an naghaloy sana nin duwang aldaw.
