Aram baya nindo mga ka-bombo, an Beijing kasuarin sana nagkundusir kan pig-aapod na world’s first humanoid robot half marathon.
Sa nasambitan ng aktibidad, pighihiling kun kayang daugon kan mga nagpartisipar na robot an mga tawo.
Susog sa report, an mga Robotics companies partikular an mga gibo kan tsino an padagos na nagpapahiling kan saindang revolutionary creations, siring kan SE01.
Ini an klase kan robot na kayang arugon an Star1, an pigmirar komo world’s fastest robot, o an pig-apod na NEO Gamma, sarong AI-powered humanoid butler.
Katakod kaini, sa kasuarin sanang pigkundusir na marathon sa Beijing, napag-araman na an mga robot na ini an kaipuhan pa nin inobasyon o pagbabago in huli ta dae kinaya kan mga robot na ini an aktibidad.
Marurumduman an 2025 Beijing Yizhuang Half Marathon and Humanoid Robot Half Marathon, highlight an special running lane para sa 21 manlaen-laen na robots na rehistrado asin bistado komo world’s first-ever humanoid robot half-marathon.
An aktibidad an dapat na mapahiling kan progreso kan mga robot na gibo sa China alagad sa panghurihan dae naabot an obheto kan event asin nagpapahiling na kaipuhan pa nin kadakol na pag-aadal asin inobasyon tanganing maabot an minamawot kan mga Chinese robotics companies.
