NAGA CITY- Piglalaoman kan Department of Agriculture Bicol na mas halangkaw an produksyon kan paroy sa Rehiyon kasabay kan harvest season na nagpuon kan bulan nin Abril.
Sigun sa nasambitan ng ahensiya, nagpakol kaya sa labi 99,000 na ektarya kan paroy an naitanom puon Enero 2025.
Huli kaini, piglalaoma na mas dakula an mapo-produce na paroy ngunyan na taon kumparar kan 2024.
Katakod digde, pig-enkaminar kan DA-Bicol an mga paraoma na ipabakal an saindang ani sa National Food Authority huli ta competitive man an presyo kaini.
Marurumduman, nagpakol sa P23.00 hasta P30.00 per kilogram para sa malinig asin marang paroy mantang P17.00 hasta P23.00 per kilogram para sa bago siringman basang paroy an pigtalaan na buying price kan NFA sa presente.
An nasambitan ng presyo maikokonsederar nang dakulang katabangan para sa mga paraoma orog na ngunyan na panahon.
Mientrastanto, huli ta padagos na nakakaeksperyensiya nin halangkaw na heat index an Rehiyon kaipuhan na magin malikay pa man giraray an publiko orog na an mga paraoma na pirmeng nagbabalada sa saldang kan aldaw.
