Nanindugan si House lead prosecutor Gerville Luistro na masasarigan an mga numerong nakasurat sa bank accounts asin tax records ni Bise Presidente Sara Duterte na iprinesentar bilang evidencia sa impeachment trial.
Siring man ki Luistro sa ibong kan resulta kan survey kan Social Weather Stations (SWS), na nagpapahiling na dakul na mga Pilipino an dae nagsusuporta sa mga alegasyon kontra sa Bise Presidente.
Segun ki Luistro, hale sa record ni Duterte an mga dokumento na ginamit kan prosecution panel sa Article II na nagtutukoy sa dae maipaliwanag na yaman.
Apwera sa iprinesentar na evidencia iyo an tax asin bank records, siring man an mga kumpanya na konektado sa Bise Presidente asin sa saiyang assistant na si Atty. Manasseh Carpio.
Base sa forensic analysis ni Atty. Alex Cabrera, pigkakarkulong nagkakantidad nin P817.8 million an mga assets na dae kabali sa Statement of Assets, Liabilities and Net Worth o SALN kan Bise Presidente.
Sa ibong kan resulta kan surbey, nagpahayag nin kumpiyansa si Luistro sa mga evidenciang iprinesentar kan panel kan piskalya.
Laen sa mga alegasyon sa Artikulo II iyo an dai pagdeklarar ni Duterte nin tama asin lubos kan saiyang mga assets, negosyo asin pinansyal na interes mantang nagseserbi bilang Bise Presidente.
