Nakapagrehistro an Philippine Coast Guard (PCG) nin dae mababa sa 10,000 nin mga soboot trolls na nagpapahayag kan saindang oposisyon sa mga claims kan nasyon mapadapit sa mga territorial disputes na nangyayari sa katubigan kan West Philippine Sea (WPS).
Sigun ki PCG Spokesperson for the WPS Commodore Jay Tarriela, kan puonan ninda an mga inisyatibo kan transparency manungod sa saindang mga aktibong pannndugan sa WPS, nagpuon sana sa haros 1,000 an mga trolls na nagkokontra sa saindang mga ginigibo para sa WPS.
Susog pa ki Tarriela, kumparar kaidto, sa presente ay mas nagdakol pa an mga trolls na nagbabatikos sa saindang mga aksyon asin nagkokontra sa saindang posisyon na depensaran an soberanya kan nasyon sa parteng ini kan Pilipinas.
Dugang pa kan tagapagtaram, an mga trolls na ini an igwa nin tulong lebel, an mga influencers, mga nagheheras nin mga impormasyon asin an mga nagrerepost kan mga nasambitan ng detalye.
Gikan sa mga lebel na ini, nagkukuriyat an mga salang pahayag asin impormasyon na ini ngunyan an kinokontra kan saindang hanay.
Mientrastanto, marurumduman man na naenot na digde an pigbuyagyag na ni Senate Majority Leader Francis Tolentino sa sarong pagdangog an mga nagigin pakikiparte kan pirang mga chinese nationals na nagbayad soboot nin mga trolls tangani magtalima asin magpakuriyat nin mga fake news sa laog kan nasyon.
