Nagpoon nang magpreparar an Philippine Coast Guard (PCG) para sa laoman na pagdagsa kan mga pasahero sa mga pantalan sa bilog na nasyon sa pagromdom kan Undas 2026.
Segun ki PCG spokesperson Commodore Noime Cayabyab, an mga lakdang na ini nakasunod sa direktiba ninda Pangulong Ferdinand “Bongbong” Marcos Jr. asin Transportation Secretary Giovanni Lopez tanganing seguraduhon an kaligtasan kan mga byahador sa dagat.
Isasairarom sa heightened alert status an gabos na operating units kan PCG poon Oktubre 29 sagkod Nobyembre 3 bilang pagpreparar sa pagdagsa kan mga byahador.
Haros 17,000 na personahe an idedeploy sa bilog na nasyon kaiba an mga floating asset, deployable response group kan mga rescue personnel, medics, asin mga nurse.
Magkokondusir man nin inspeksyon an mga K9 unit asin magbugtak nin passenger assistance desks sa mga mayor na pantalan tanganing tulos na matukdoan an mga pangangaipo asin seguridad kan publiko.
