Pigsierto kan Department of Agriculture na marahay an kalidad kan bagas na ipapabakal sa mga KADIWA Center sa kantidad na P20 kada kilo.
Sigun ki DA Assistant Secretary Genevieve Guevarra, an kalidad kan pigtitinda na bagas na kantidad P29 sa KADIWA Center an iyo man na bagas na ipapabakal magpuon Mayo 13.
Soboot ini an mga bagas na parte kan buffer stock na luma na, alagad marahay pa an kalidad nin huli ta binakal an mga ini gikan sa mga paraoma.
Nilinaw ni Guevarra na dae ini dudumugon nin bukbok nin huli ta nag aagi man ini sa inaapod na quality control.
Advertisement
Target kan Department of agriculture na makinabang sa baratong bagas an may 6.9 milyong pamilya na gikan sa nagtitios na sektor.
Advertisement
