Nangapodan si Senador Sherwin Gatchalian sa Department of the Interior and Local Government (DILG) na suguon an mga local government units (LGUs) na magtatag nin mga local literacy coordinating councils na iyong mapautob kan mga epektibong programa sa literacy o kakayanang magbasa, magsurat, asin magbilang.
Pigtawan-duon kan senador an importanteng papel kan mga LGU sa paglaban sa illiteracy.
Marurumdumang sa ginanap na pagdangog sa Senado katakod kan 2024 Functional Literacy, Education, and Mass Media Survey (FLEMMS), pigtawan-abiso kan senador na labi 18 milyong Pilipino an nagtitinir na functionally illiterate, maski na nakatapos na kan basic education.
An datos an gikan sa Philippine Statistics Authority (PSA) na sinuri kan opisina kan lehislador, na nagsasabing 18.96 milyong Pilipino pa man an dae tatao magbasa, magsurat, magkwenta, asin mag-intindi.
Sigun ki Gatchalian na Chairman kan Senate Committee on Basic Education, na dae dapat soboot ini mangyari kun saen an pinakapayak na obheto kan basic education iyo an gibuhon na functionally literate an mga Pilipino.
Siring man, dae pwede soboot na palampason an sarong estudyante na magtapos sa basice education na dae functionally literate.
