Mamamantinir kan gobyerno an P20-per-kilo rice initiative hasta sa Disyembre. Posible man ining makabali sa national budget para sa masunod na taon.
Sigun sa mga reports pighayag ki Presidente Ferdinand R. Marcos Jr., an programa masustiner hasta sa bulan nin Disyembre ngunyan na taon o kaya sa masunod na 2026.
Enot digde, inilunsar na kan Department of Agriculture (DA) “Benteng Bigas Mayroon (BBM) Na” program sa Cebu, aldaw nin Huwebes, Mayo 1 sa irarom kan Kadiwa ng Pangulo (KNP) initiative.
Sa irarom kan KNP program, available an bagas sa paagi kan mga naka-target na mekanismo partikularmente na para sa vulnerable sectors siring kan senior citizens, solo parents, persons with disabilities, asin man mga benepisaryo kan Pantawid Pamilyang Pilipino Program ng pamahalaan.
Ang kada kwalipikadong pamilya an turugutan na magbakal nin hasta 30 kilo kan bagas kan National Food Authority (NFA) rice kada bulan sa kantidad na P20 kada kilo.
Sinaysay ni Castro na positibo an initial feedback gikan sa pilot launch sa Cebu, nahiling an ‘strong turnout asin consumer satisfaction.’
Sa ibong na bada, sinaysay man ni Agriculture Secretary Francisco Tiu Laurel Jr. na nagpuon na an pagpapabakal kan bagas sa Cebu antes pa sa ibang rehiyon nin huli ta nagin kahagadan kan Commission on Elections na ipauntok an rollout sa Metro Manila hasta sa 12 midterm elections.
Nakatalaan man sa May 13 an paglulunsar sa Metro Manila, sa may 16 lugar na pigpreparar kabali na an mga lokasyon sa Quezon City, Caloocan, Mandaluyong, Pasay, asin man Pasig.
Sinaysay pa ni Castro padagos na ipaprayoridad an program rollout sa mga mas nangangaipuhan.
